Non o dek? + sequantajo
Sri Idisti: --- Aujourd'hui en pleurs//fleurs, demain en fleurs//pleurs.

Ye ula nokto' Nasreddin-hodjo renkontris stranja sonjo en sua dormado:

Ne'konocata viro vizitis lu e donis a lu' non denari.
Tamen Nasreddin demandis de la viro' plusa denaro dicante ...

Pro quo, la diablo, nur non denari?
Donez a me' altra un denaro por facar la nombro ye bone kompleta.

La viro tacis ed ignoris la to quon Nasreddin demandis.
Ma Nasreddin insistis, pregis ed abasis su sen'cese ke finale lu vekis.
E vidante sua vakua manui, lu maledikis sua meskina karaktero,
qua finale perdigis da lu sua ne'expektita donacajo profitoza.
Lore lu hastante jaceskis itere por dormar.
E do klozante sua okuli, li extensis l'amba brakii ed exkuzis su dicante:
Bone! Pliz donez a me' la non denari ma ca'tempe suficanta por me.


Audinte la rakonteto, mea Zen-mastro Koudou la sen'hema parolis a Moyshe:

La sonjo esas la vivo sur ca mondo. E la Deo donacas a vu til non denari.
Tamen vu ne darfas recevar la lasta un por facar la donacajo ye kompleta.
Pro ke vu destinesas e darfas ganor la lasta "un" nur pos ke vu mortabos.
Esas do vua mortanteso' ta qua povas donar a vu' la lasta kara un denaro.

amen amen dico vobis nisi granum frumenti cadens in terram mortuum fuerit
ipsum solum manet si autem mortuum fuerit multum fructum adfert qui amat
animam suam perdet eam et qui odit animam suam in hoc mundo in vitam ae-
ternam custodit eam.(Co esas la pro-quo ke Iesu dicis to a sua dicipuli.)

Ne esez tro avara sur ca mondo. La vivo esos kompleta pos ke vu mortabos.


Tamen Moyshe la khucpoza replikis ma tre khucpoze a sua mastro dicante ..

Ho, Lala! Me nun savas ke la nirvaneso tre similesas mortanteso. Me savas
ke me iros a mea nirvano pos ke me mortos pos suficanta Zen-exerci. Tamen
me esas anke ruzoza Yudo di ca mondo, e do deziras ganar dek denari hike.

Lore mea Zen-mastro Koudou la sen'hema respondeskis a Moyshe ridegante ..

Ho, Lala! To esas ma tre facila ... extreme facila por omni sur ca mondo.
Vu povas ganor mem dek denari hike nur kande vua ego mortos sur ca mondo.