Bastoneto por forvishar feko!
A Ge'Sri: Quale lernar navigar? Per probi ed erori. To esas per dubitar.

Ed olim dicipululo questionis sua mastro, Yunmen: "Quo esas ..... Budho?"
Ma la mastro ridetante respondis: "To esas bastoneto por forvishar feko!"


-----
En antiqua Chinia onu vishis sua anuso pos kako ne per papero quale ni ma
per brancheto ligna. Multe stranje co esas un de la maxim bela rakonti di
Zen segun multa granda Zen-mastri quala la mea "Koudou la Sen'hema" edc..
-----

Por general Ocidentani l'instrukto quala ca supra esas simple abomininda.
Se tamen onu kaptus ca rakonto ne per la kapo ma per sua kerno dil kordio
e ventro, lu povus atingar la maxim profunda misterio religiala: Nirvano.
Kad irgu hike nun komprenus "la granda sekretajo" dop la stranja rakonto?
Ma BYT ne povus, vice ed anke por vu, glutar la granda feko hike. Hahaha!



Mmmmmmm .... Ha! ed Hun! .... Capisci?


Homo generale naskas ne'konciante ed mortas ne'konciante la sekretajo dil
vivo pro quo lu naskas e vivas en ca mondo e mortas departante del mondo.

Kelka homi esforcis serchar la misterio voyajante quale Kolumbus Italiana
por nova mondo ube mustas jacar lia oroza respondo. Forsan kelki sucesis.
Lore komencis la historio dil religii. Omna religii povas trans'donar sia
mapo ke vu ne irez adibe ma irez adhike alonge streta kanelo por ke vu ne
manjesez da marodraki. Do multa homi sen'danjere atingis nova kontinento.

Moyseh, Iesu, Mohamedo, Budho e kelka altri esis do nia granda Kolumbusi.
Li guidis multa koncianta homi a lia nova kontinenti. Sen la guidanti, la
omna homi en la tota historio ankore nun restabus en l'anciena kontinento
ignorante la vera skopo di nia vivo: La homi restabus bestii inteligenta.

Tamen Zen-mastri dicas ke preske omna religii faliis. Unesme la Kolumbusi
quala Budho sucesis persuadar kelka koncianta homi pri la nova kontinento
ube trovesas oro plu valoroza kam lia bestieso. E do la homi komencis sua
voyajo segun la mapo di sua Kolumbus. La mapo postulis kompleta kredo sur
to quon olu dicas ke la sequanti ne dubitez por ne naufrajor. La rezulto?

La Zen-mastri dicas ke preske omna religii sucesabas produktar la roboti.
Preske 100% del kredanti di irga religio esis, esas ed esos ma la roboti.
Budhisti devas gratitudar Budho pro ke lu persuadis li startar sia voyajo
por nova kontinento, ma li duesme mustas refuzar la taliita mapo di Budho
pro ke la mapo povas metamorfosar li aden mutonatra roboti. Vera Budhisti
bezonas lernar per su ipsa quale navigar por la voyaj'fino. E quon facar?

"Mastro, quon ni facez por lernar 'quale navigar' por la nov kontinento?"


Pos ke vu divenabas Budhisto, Budho ipsa esas bastoneto por forvishar vua
feko. E do forjetez Budho omnadie pos kako! Vu sempre devas esar vu ipsa.
Tamen Katoliki ne povas esar su ipsa. Mohamedani nule povas esar su ipsa.
Pro ke li sempre esforcas esar duesmagrada Iesu o Mohamedo ma ne su ipsa.

La roboti ne povas irgube esar sola. La homo povas esar sola en sua anmo.
On povas esar sola nur per dubitar la taliita mapo por ri'trovar su ipsa.
Ka vu konocas cirkum vu irgu qua ne esas roboto pro ke lu darfas dubitar?


Adio! .....sincere via, vua ed anke tua
B.Y.T. .....Idisto ed Idiotisto pro mea nur limitizita e povra edukado
ed anke ....Ido-Kavaliero per bona oreli vice mea skarsa e povra cerebro
IdoLerneyo..http://groups.yahoo.com/group/idolerneyo/
Ido-Kurso...http://www.geocities.com/bebsonido/

Toyre kumt nit b'yerushe. Onu ne heredas la lernado. (Mea Yida proverbo)