bebson (![[info]](http://l-stat.livejournal.com/img/userinfo.gif){kind=small} bebson) wrote,@ 2004-12-02 21:35:00 |
|
Nasreddin en publika balneyo
Sri Idisti: --- Aujourd'hui en pleurs//fleurs, demain en fleurs//pleurs.
Ul'die Nasreddin iris a publika balneyo. Servisto, qua savas ke Nasreddin
esas povro, per fingro montris a lu' amaso de anciena ragoza tualeto'tuki
balneyal. Altra amaso de nova mola tualeto'tuki ibe esis ma por la richi.
E la balneyal aquo ne esis suficante varma: "He! Kad onu povas portar plu
varma aquo aden hike?", klamas Nasreddin a la servisto. "Ma tu facez lo!"
Tale Nasreddin balnis en aquo kolda e sikigis su per anciena tualeto'tuko
ed ek'iris de balneyal chambro. Lu gratifikis la servisto per moneto'peco
de oro. Moneto'peco ora! Dum ke la servisto surprizesis, Nasreddin livis.
Yel nexta semano Nasreddin ri'vizitis la balneyo. La sama servisto venis.
Tamen ca'foye: "Nasreddin, pliz prenez ca nova tuko. No, ma du tuki pliz.
Me quik portos a vu' varma aquo por la balnuyo. Yen, nova odoroza sapono.
Kande vu bezonos irgo, me asistos por vu chel pordo di vua balno'chambro.
Tale Nasreddin balnis multe komfortoze e sikigis su per nova tualeto'tuki
ed ek'iris de balneyal chambro. Lu gratifikis la servisto per moneto'peco
de kupro. Moneto'peco kupra! "He, lasta'tempe vu gratifikis me per oro!?"
"Ho!," respondis Nasreddin, "La moneto'peco de oro ma esas por ca semano.
Tamen ca moneto'peco," indikante la peco kupra, "esas por la lasta foyo."
Kontre ca rakonto di Sufismo, trovesas altra plu bela rakonto di Daoismo.
Olim me skribis quale .....
Daoisma rakonto : Kavalo di Seweng
Olim Sro Jean MARTIGNON rakontis anekdoto pri kavalo e tauro.
Anke me deziras rakontar tre anciena anekdoto di altra "kavalo", qua
forsan instruktos a ni Daoistala vivo simpla ed ordinara ed anke quieta.
Me havas la klasika China defektoze ma multe plu bone kam ordinara Chini.
Sen multa kuntextala savo pri kulturo, kustumo, historio e la linguo ipsa
onu ne povas tradukar irga texti pro olua manko di suficanta logikeso.
Yen tre signifikoza rakonto di Daoismo/Idiotismo, "Kavalo di Seweng",
de "Hwaynandz" klasika traktajo en Chinia ye cirkum 130 yari a.k.
Apud granda muro fortifikiva kontre barbari "Hu" lojis quieta avulo
nomata (esar) Seweng, qua esis destinodivinisto ed anke Daoisto.
Ye certena dio sen certa kauzo' ilua maxim bona e do tre prifiera kavalo
subite fugis aden barbara lando "Hu", ube-aden onu ne darfis enirar.
Omna vilajani kompreneble vizitis l'avulo por konsolacar pri la perdo.
Tamen l'avulo Seweng dicas:
"Me esas tote indiferenta. Forsan lo venigos a me' ula feliceso."
La vizitanti shokesis pro ilua temerareso e do nesatisfacate retroiris.
E pos kelka monati la kavalo rivenis a l'avulo Seweng, akompanante kun su
ipsa multa altra kavali di "Hu", lando famoza pro olua bela kavali.
Vilajani ankorfoye vizitis l'avulo por gratular la feliceso surprizoza.
Tamen l'avulo Seweng dicas:
"Me esas tote indiferenta. Forsan lo portos a me' ula desagrablajo."
La vizitanti konsternesis pro ilua tordita karaktero e povis dicar nulo.
E Seweng posedis nombroza bona kavali, e sua sola filiulo, de sua oldevo,
qua tre prizas kavalkar. Ed uldie ilu infrejetesis e sua femuro ruptesis.
Omna vilajani vizitis Seweng, nam la filiulo desfortunoze divenis kriplo.
Tamen l'avulo Seweng dicas:
"Me esas tote indiferenta. Forsan lo evitigos a me' nekonocata tragedio."
Pro ilua hucpo* la vizitanti murmurante rigardadis la reciproka vizajo.
(hucpo* = khutzpah)
Pos un yaro la granda armeo di "Hu" invadeskis aden cheflando di Chinia.
La guvernerio rekrutis omna sana yunuli di la regiono kom batalianti.
Ma 90% de la soldati ocidesis dum la milito e nur restis poka yunuli.
La filiulo di Seweng ne rekrutesis pro ke ilu esis kriplo e restis sana.
Do la patro e la filiulo transvivis la maxim kruela tempo di sua vivo.
Onu memorez ke...
La feliceso povas esar ula semino di desfeliceso ne dezirota. Kontree
mem la tragedio povas konduktor vu a ShangriLa ne antee imaginebla.
La vivo originale en sua esenco esas granda sekreto.
Onu ne povas definar la chanjebleso di la vivo.
Onu ne povas sondar la profundeso di la vivo.
Ne quik judikez irgo ante ke vu darfos savar la tota situeso dop la ceni.
Ante ke ekonomikala granda veziko subite explozis en Japonia,
un de mea konocati tre richa kompradis tereni pruntante grandamaso
de pekunio de multa banki por pluse ganar extraordinara pekunio.
Ilu povis pruntar, nam ilu ja esis richa e ja posedis multa pekunio.
Che omna yari ilu divenis plu richa anke vendante kelka sua tereni.
Avan okuli mala mea ilu esis la maxim felica persono inter mea konocati.
Ekonomiala explozo venis. La preco di omna ilua tereni subite falegis.
Alas! Ilu ne pluse povis pagar la interesto di sua pruntita pekunio.
Ilu bankrotis. La fakto ke ilu esis richa, male konduktis ilu a bankroto.
Me ne pluse savas ube ilu esas nun e forsan ilu povus ocidir su ipsa.
La feliceso povas esar la semino di desfeliceso ne dezirota.
Onu ne povas sondar la profundeso di la vivo.
La vivo esas plena de paradoxi stranja e ne kalkulebla da irga homo.
Kande me unesme audis la rakonto di Seweng, me ridis pri ilua stupideso,
ma me jame* de nun ridos, nam me savas ke me esis stupida kande me ridis.
E me tote ne supozis ke me renkontros Ido, pro ke me ne savis mea futuro.
E me ne bezonus duopla Id-sona kozi, nam me ja satisfacesas da Idiotismo.
(jame* = nultempe)
Ad ube men konduktos la fakto ke me esforcante voyajis en "Esperantuyo",
ube vivas multa altra diversa populi entuziasmanta ma frenezioza o fola,
aden Ido-mondo, ube laboras nur poka personi ma VEKANTA e vere intelekta?
Co esas kavalo di Seweng o "panta rhei" por me kom Id-iotisto ed Id-isto.
Povesar* ke Heraclitus de Ephesus dicis "to", pos ke lu konocis Daoismo.
Me sempre respektas Daoismo di Chinia e Zen-Budhismo di Japonia, dum ke
Daoismo ed Idiotismo esas diferanta quale la Hispana e la Toskani-Itala.
Suficanta por hodio.
Adio! ......sincere via, vua ed anke tua
B.Y.T. .....Idisto ed Idiotisto pro mea nur limitizita e povra edukado
ed anke ....Ido-Kavaliero per bona oreli vice mea skarsa e povra cerebro
IdoLerneyo: http://groups.yahoo.com/group/idolerney
Ido-Kurso.: http://www.geocities.com/bebsonido/
Ido-Biblioteko (Sro FT).: http://es.geocities.com/krayono/publika
Toyre kumt nit b'yerushe. Onu ne heredas la lernado. (Mea Yida proverbo)
Wem nicht zu raten ist, dem ist auch nicht zu helfen. (Germana proverbo)
Sri Idisti: --- Aujourd'hui en pleurs//fleurs, demain en fleurs//pleurs.
Ul'die Nasreddin iris a publika balneyo. Servisto, qua savas ke Nasreddin
esas povro, per fingro montris a lu' amaso de anciena ragoza tualeto'tuki
balneyal. Altra amaso de nova mola tualeto'tuki ibe esis ma por la richi.
E la balneyal aquo ne esis suficante varma: "He! Kad onu povas portar plu
varma aquo aden hike?", klamas Nasreddin a la servisto. "Ma tu facez lo!"
Tale Nasreddin balnis en aquo kolda e sikigis su per anciena tualeto'tuko
ed ek'iris de balneyal chambro. Lu gratifikis la servisto per moneto'peco
de oro. Moneto'peco ora! Dum ke la servisto surprizesis, Nasreddin livis.
Yel nexta semano Nasreddin ri'vizitis la balneyo. La sama servisto venis.
Tamen ca'foye: "Nasreddin, pliz prenez ca nova tuko. No, ma du tuki pliz.
Me quik portos a vu' varma aquo por la balnuyo. Yen, nova odoroza sapono.
Kande vu bezonos irgo, me asistos por vu chel pordo di vua balno'chambro.
Tale Nasreddin balnis multe komfortoze e sikigis su per nova tualeto'tuki
ed ek'iris de balneyal chambro. Lu gratifikis la servisto per moneto'peco
de kupro. Moneto'peco kupra! "He, lasta'tempe vu gratifikis me per oro!?"
"Ho!," respondis Nasreddin, "La moneto'peco de oro ma esas por ca semano.
Tamen ca moneto'peco," indikante la peco kupra, "esas por la lasta foyo."
Kontre ca rakonto di Sufismo, trovesas altra plu bela rakonto di Daoismo.
Olim me skribis quale .....
Daoisma rakonto : Kavalo di Seweng
Olim Sro Jean MARTIGNON rakontis anekdoto pri kavalo e tauro.
Anke me deziras rakontar tre anciena anekdoto di altra "kavalo", qua
forsan instruktos a ni Daoistala vivo simpla ed ordinara ed anke quieta.
Me havas la klasika China defektoze ma multe plu bone kam ordinara Chini.
Sen multa kuntextala savo pri kulturo, kustumo, historio e la linguo ipsa
onu ne povas tradukar irga texti pro olua manko di suficanta logikeso.
Yen tre signifikoza rakonto di Daoismo/Idiotismo, "Kavalo di Seweng",
de "Hwaynandz" klasika traktajo en Chinia ye cirkum 130 yari a.k.
Apud granda muro fortifikiva kontre barbari "Hu" lojis quieta avulo
nomata (esar) Seweng, qua esis destinodivinisto ed anke Daoisto.
Ye certena dio sen certa kauzo' ilua maxim bona e do tre prifiera kavalo
subite fugis aden barbara lando "Hu", ube-aden onu ne darfis enirar.
Omna vilajani kompreneble vizitis l'avulo por konsolacar pri la perdo.
Tamen l'avulo Seweng dicas:
"Me esas tote indiferenta. Forsan lo venigos a me' ula feliceso."
La vizitanti shokesis pro ilua temerareso e do nesatisfacate retroiris.
E pos kelka monati la kavalo rivenis a l'avulo Seweng, akompanante kun su
ipsa multa altra kavali di "Hu", lando famoza pro olua bela kavali.
Vilajani ankorfoye vizitis l'avulo por gratular la feliceso surprizoza.
Tamen l'avulo Seweng dicas:
"Me esas tote indiferenta. Forsan lo portos a me' ula desagrablajo."
La vizitanti konsternesis pro ilua tordita karaktero e povis dicar nulo.
E Seweng posedis nombroza bona kavali, e sua sola filiulo, de sua oldevo,
qua tre prizas kavalkar. Ed uldie ilu infrejetesis e sua femuro ruptesis.
Omna vilajani vizitis Seweng, nam la filiulo desfortunoze divenis kriplo.
Tamen l'avulo Seweng dicas:
"Me esas tote indiferenta. Forsan lo evitigos a me' nekonocata tragedio."
Pro ilua hucpo* la vizitanti murmurante rigardadis la reciproka vizajo.
(hucpo* = khutzpah)
Pos un yaro la granda armeo di "Hu" invadeskis aden cheflando di Chinia.
La guvernerio rekrutis omna sana yunuli di la regiono kom batalianti.
Ma 90% de la soldati ocidesis dum la milito e nur restis poka yunuli.
La filiulo di Seweng ne rekrutesis pro ke ilu esis kriplo e restis sana.
Do la patro e la filiulo transvivis la maxim kruela tempo di sua vivo.
Onu memorez ke...
La feliceso povas esar ula semino di desfeliceso ne dezirota. Kontree
mem la tragedio povas konduktor vu a ShangriLa ne antee imaginebla.
La vivo originale en sua esenco esas granda sekreto.
Onu ne povas definar la chanjebleso di la vivo.
Onu ne povas sondar la profundeso di la vivo.
Ne quik judikez irgo ante ke vu darfos savar la tota situeso dop la ceni.
Ante ke ekonomikala granda veziko subite explozis en Japonia,
un de mea konocati tre richa kompradis tereni pruntante grandamaso
de pekunio de multa banki por pluse ganar extraordinara pekunio.
Ilu povis pruntar, nam ilu ja esis richa e ja posedis multa pekunio.
Che omna yari ilu divenis plu richa anke vendante kelka sua tereni.
Avan okuli mala mea ilu esis la maxim felica persono inter mea konocati.
Ekonomiala explozo venis. La preco di omna ilua tereni subite falegis.
Alas! Ilu ne pluse povis pagar la interesto di sua pruntita pekunio.
Ilu bankrotis. La fakto ke ilu esis richa, male konduktis ilu a bankroto.
Me ne pluse savas ube ilu esas nun e forsan ilu povus ocidir su ipsa.
La feliceso povas esar la semino di desfeliceso ne dezirota.
Onu ne povas sondar la profundeso di la vivo.
La vivo esas plena de paradoxi stranja e ne kalkulebla da irga homo.
Kande me unesme audis la rakonto di Seweng, me ridis pri ilua stupideso,
ma me jame* de nun ridos, nam me savas ke me esis stupida kande me ridis.
E me tote ne supozis ke me renkontros Ido, pro ke me ne savis mea futuro.
E me ne bezonus duopla Id-sona kozi, nam me ja satisfacesas da Idiotismo.
(jame* = nultempe)
Ad ube men konduktos la fakto ke me esforcante voyajis en "Esperantuyo",
ube vivas multa altra diversa populi entuziasmanta ma frenezioza o fola,
aden Ido-mondo, ube laboras nur poka personi ma VEKANTA e vere intelekta?
Co esas kavalo di Seweng o "panta rhei" por me kom Id-iotisto ed Id-isto.
Povesar* ke Heraclitus de Ephesus dicis "to", pos ke lu konocis Daoismo.
Me sempre respektas Daoismo di Chinia e Zen-Budhismo di Japonia, dum ke
Daoismo ed Idiotismo esas diferanta quale la Hispana e la Toskani-Itala.
Suficanta por hodio.
Adio! ......sincere via, vua ed anke tua
B.Y.T. .....Idisto ed Idiotisto pro mea nur limitizita e povra edukado
ed anke ....Ido-Kavaliero per bona oreli vice mea skarsa e povra cerebro
IdoLerneyo: http://groups.yahoo.com/group/idolerney
Ido-Kurso.: http://www.geocities.com/bebsonido/
Ido-Biblioteko (Sro FT).: http://es.geocities.com/krayono/publika
Toyre kumt nit b'yerushe. Onu ne heredas la lernado. (Mea Yida proverbo)
Wem nicht zu raten ist, dem ist auch nicht zu helfen. (Germana proverbo)
